Орусия, Украина жана Евробиримдиктин өкүлдөрү Брюсселде газ тууралуу сүйлөшүүлөрдү жүргүздү.
Орусия менен Украинанын энергетика министрлери Александр Новак менен Владимир Демчишин Украинага орусиялык газды жеткирүү тууралуу жаңы макулдашууну талкуулоо үчүн жолугушту. Алардын сүйлөшүүлөрүнө Евробиримдиктин энергетика маселелери боюнча өкүлү Марош Шефчович ортомчу болду.
Орусия, Украина жана Евробиримдик 2014-жылдын октябрында кол койгон келишимдин мөөнөтү март айында аяктайт. Газга байланыштуу сүйлөшүүлөргө апрелдин ортосунда кол коюлары күтүлүүдө. (ZMa)
