Облустун борборундагы “Телтору” ат майданында түштүк облустарынын чабандастеринин көк-бөрү боюнча оюну кечээ күндөн баштап өтүүдө. Бул тууралуу “Азаттыкка” облустук дене тарбия жана спорт боюнча методикалык борбордун башчысы Абдыжапар Капаров билдирди.
Мелдешке Ош, Баткен, Жалал-Абад облустарынын 6 көк-бөрү командалары катышууда. Мелдеш бүгүн жыйынтыкталат. Байгеге 300 миң сом коюлган. Иш-чараны Дене тарбия жана спорт боюнча мамлекеттик агенттик уюштурууда. (RsK)
