Бул тууралуу “Азаттыкка” Бишкектеги №3 балдар ооруканасынын башкы дарыгеринин орун басары Гүлнара Жанабилова билдирди.
- Азыр бала реанимация бөлүмүндө, абалы оор. Дарыгерлер иштеп жатат. Азырынча башка маалымат бере албайбыз, - деди ал.
2 жашар бала Бишкектеги №113 балдар бакчасынын экинчи кабатынан кулап түшкөн. Мекеменин директору учурда жыйын болуп жатканын айтып, маалымат берүүдөн баш тартты.
Былтыр Бишкектеги №31 бала бакчанын экинчи кабаттагы тепкичинен бир кыз кулап, баш сөөгү сынган. Анын башына операция жасалган болчу. (КЕ)
