Австрия борбору Венада “Кыргызстан - жаш демократия үчүн мүмкүнчүлүк” аттуу фотокөргөзмө өтүүдө. Апрель окуясынын 5 жылдыгын жана кыргыз президенти Алмазбек Атамбаевдин Австрияга сапарын утурлай ачылган көргөзмөгө кыргыз фотожурналисттеринин 2010-жылдын 7-апрелиндеги окуяларды чагылдырган, ошондой эле кыргыз элинин маданиятын жана 2014-жылы Кыргызстанда өткөрүлгөн Көчмөндөрдүн дүйнөлүк оюндары тууралуу баяндаган документалдуу сүрөттөр коюлган.
Кечээ көргөзмөнү кыргыз делегациясы менен бирге ЕККУнун Башкы катчысы Ламберто Заньер да барып көрдү.
Атамбаевдин Европага сапары бүгүн Францияда уланат. (КЕ)
