Бишкекте мектеп окуучуларынын олимпиадасы жыйынтыкталды. Шаардык билим берүү башкармалыгынан "Азаттыкка" кабарлашкандай, быйыл акыл таймашына 429 улан-кыз катышты. Алардын ичинен эң көп балл алгандар №61, №5, №26, №29 мектептер жана кыргыз-түрк лицейлеринин тарбиялануучулары болду.
Эртең, 27-мартта Бишкекте жалпы республикалык олимпиада башталат. Ага Бишкектен 37 окуучу катышат.
Эреже боюнча олимпиадалардан утуп, мектепти артыкчылык менен аяктагандарга жогорку окуу жайына өтүү жолу жеңилдетилген. (RK)