Талас облусунда 24-марттагы катуу шамал келтирген материалдык чыгым 3,5 миллион сомдон ашты. Бул тууралуу бүгүн Өзгөчө кырдаалдар министрлигинен кабарлашты.
24-мартта кечинде ылдамдыгы секундасына 25-30 метрге жеткен катуу шамал жүргөн. Кара-Буура районундагы Аманбаев, Шекер, Ак-Чий жана Маймак айыл аймактарында үйлөр, социалдык объекттер жабыркаган.
Жалпы район боюнча шамал 10 175 даана шиферди учуруп кеткен. (RK)
