Аскерлер эми “Ислам мамлекети” террордук тобунун желдеттеринен шаарды толук бошотот деп билдирди 31-мартта премьер-министр Хайдар Абади.
Өкмөт башчы өз сөзүндө ирактыктар жана АКШ башындагы аба күчтөрү колдогон улуттук армия менен полицияга шиит топторунун милициясы, суннит уруулары көмөктөшүп жатканын баса көрсөттү.
2-мартта жихадчыларга каршы башталган операцияга шиит милициясы чоң сандагы жоокерлерин жөнөткөн. Ирак армиясынын согуш майданындагы чоң чыгымдарына жана шиит милициясын башкаруудагы Ирандын ролуна байланыштуу Багдад-Вашингтон арасындагы келишпестиктен улам чабуул бир нече аптадан кийин басаңдап калган. Согушчандар Тикритти былтыр июнда түндүк жана батыш Ирактын чоң бөлүгүн басып алган кезде ээлишкен.
