Альп тоолорундагы кырсыктын башкүнөөкөрү деп шектелген учкуч жанкечтиликтин жолдорун жана пилоттор кабинасынын коопсуздук системасын кылдат изилдеп үйрөнгөн. Бул жөнүндө Андреас Любицтин Дюсселдорфдогу үйүндөгү компьютерди изилдеген тергөөчүлөр 2-апрелде билдиришти. 150 адамдуу аэробусту атайылап келип тоого сүздүргөн деп шектелген Любицтин компьютери жана браузери учактын кара кутусундагы жазуулар окулгандан кийин текшерилди.
24-мартта Барселонадан Дюсселдорфго учуп бараткан Germanwings компаниясынын авиалайнери Франциянын тоолорунда кыйроого учураган.