Оштогу “Ынтымак” телерадиоканалынын журналисттери акын Алыкул Осмоновдун ырларын өзбек тилине которуп, атайын ролик даярдашты. Бул тууралуу “Азаттыкка” каналдын кызматкери Умида Мирзабоева кабарлады. Видеороликте акындын төрт ыры төрт журналист тарабынан окулган. Ал “Ынтымак” телеканалынын эфирлеринен элге көрсөтүлүп жатат.
Алыкул Осмоновдун 100 жылдыгына карата буга чейин Sputnik маалымат сайты да белгилүү кишилерге акындын ырларын окутуп, видеосун коомчулукка жарыялаган. (SE)
