Санкт-Петербургдун соту Орусиядагы кумса өспүрүмдөрдү интернет аркылуу колдоочу социалдык тармактагы барагын жабууга өкүм чыгарды. «Балдар 404» деп аталган сайттын адвокаты Мария Козловская "Азаттыкка" билдиргендей, уюмга сайттын жабылганын кечээ, сот болот деген күнү маалымдашкан. Бул сайтты Уралдагы Нижний Тагил шаарында журналист Елена Климова негиздеген. «Балдар 404» интернетте маалымат издөөдө «барак табылган жок» деген маалымат берүүчү ката кодуна негизделген аталыш болуп саналат.
