БУУнун Өнүктүрүү программасы бүгүн Тажикстандын баш калаасы Дүйшөмбүдө адам өнүгүүсү боюнча улуттук отчетун жарыялады.
“Тажикстан: Адам өнүгүүсүнө багытталган ресурстардын жеткиликтүүлүгү” деген отчетте өлкө калкынын 83% чет жакта иштеп жүргөн эмгек мигранттары салган каражат менен күн көрөрү жазылган. Алардын дээрлик баары акчаны келечекке сактабай, дароо коротууга мажбур.
Басымдуу бөлүгү Орусияда эмгектенген мигранттардан 2014-жылы Тажикстанга 3 миллиард 800 миллион доллар акча которулган.
Расмий маалымат боюнча Орусиядагы тажик эмгек мигранттарынын саны бир миллиондон ашат.