Америка Кошмо Штаттары Кыргызстандын жарандары үчүн 28-апрелден тарта беш жылдык виза бере баштайт. Бул тууралуу Кыргызстандын АКШдагы элчиси Кадыр Токтогулов “Азаттыкка” билдирди.
Анын айтымында, тышкы иштер министри Эрлан Абдылдаев жана АКШ Мамкатчысынын жардамчысы Ниша Бисвал тиешелүү нота менен алмашышты. Ага ылайык, кыргызстандыктар АКШга, америкалыктар Кыргызстанга беш жылдык мөөнөткө көп жолку виза ала алышат. (KJ/UEz)
