Ирак өкмөтүнүн аскерлери Бажи мунай ишканасынан үч чакырым алыс жайгашкан Ал-Малха жана Ал-Мазрах шаарчаларын өз көзөмөлүнө алышканы кабарланды.
Генерал Аяд ал-Лахабинин айтымында, өкмөттүк күчтөр салгылашуу учурунда “Ислам мамлекети” радикал тобунун 160тай согушкерин атып өлтүргөн. Учурда аскерлер ишкананы курчоого алган жихадчыларга каршы чара көрүшүүдө. Завод азыр армиянын көзөмөлүндө.