“Центерранын” башкармалыгын алмаштыруу демилгеси менен өкмөт башчы Жоомарт Оторбаевге байланышка чыккан британ адиси Лорд Клэнвильям Кыргызстанга 22-апрелде келет.
Ал өкмөт, депутаттар жана маалымат каражаттарынын өкүлдөрү менен жолугушууну чечкенин жергиликтүү маалымат каражаттарына курган маегинде айткан.
“Центерра голддун” директорлор кеңешине келе турган ыктымал жети талапкердин ким экени ар кандай түкшүмөл ойлорду жаратып, талкууга жем таштаган. Эми британиялык ишкерлер кыргыз бийлиги менен көзмө-көз сүйлөшөөрү айтылууда. (ZMa)
