Бүгүнтөн тарта Кыргызстанда Китеп жумалыгы башталды. Жумалык 23-апрель бүткүл дүйнөлүк Китеп күнүнө карата өткөрүлүүдө. Аны Билим берүү жана илим министрлиги, ЮСАИД, ЮНИСЕФ жана Ага Хан фонду уюштурууда. Жумалыктын алкагында шаршемби күнү Бишкектеги Курманжан Датканын эстелигинин алдында жаңы чыккан китептердин көргөзмөсү өтөт.
Уюштуруучулар мындай жол менен кыргызстандыктарды китеп окууга тартуу максатын көздөп жатышат. Жумалык 27-апрелде жыйынтыкталат. (BkA)
