Премьер-министр Жоомарт Оторбаев отставкага кетерин жарыялады. Бул тууралуу ал Жогорку Кеңештин жыйынында билдирди. Бүгүн парламенттин жыйынында өкмөт 2014-жылкы иши боюнча отчет берген. Аны Жогорку Кеңеш канааттандырарлык деп тапты.
Оторбаев өз чечимин демократиялык өлкөдө бийлик монополиясы болбошу керек деп негиздеди.
“Ата Мекен” партиясынын мүчөсү Жоомарт Оторбаев баштаган өкмөт былтыр апрелде дайындалган. (BkA)
