Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 03:39

Алматыда курулуп жаткан көпүрө кулады


Рыскулов-Саин көчөлөрүнүн кесилишиндеги көпүрөнүн курулушу 2014-жылы башталган.

Кырсыктан жабыркаган 19 адам ооруканага жеткирилди. Алардын үчөө оор абалда. Бул тууралуу Алматы шаардык Өзгөчө кырдаалдар департаментинин өкүлү Нурлан Мадияров билдирди.

Жабыркагандардын баары курулуш аянтында иштеп жаткан жумушчулар. Кырсык болгон учурда алардын 52си иштеп жаткан. Куткаруучулар азыр урандылардын астынан дагы бир адамды издөөдө.

Окуя 24-апрелде түшкө маал Рыскулов жана Саин көчөлөрүнүн кесилишинде болгон. Көпүрөнүн курулушу 2014-жылы башталган, быйыл аяктамак.

Долбоор боюнча узундугу 125 метр, туурасы 11-18 метрди түзгөн көпүрөнү “Базис-А” компаниясы куруп жаткан.

Кырсыктын себептери азырынча белгисиз.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG