Чүй облусунда жол кырсыгынан автоунаа өрттөнүп, эки адам каза болду. Бул тууралуу Жол кайгуул кызматынан кабарлашты. Маалыматка ылайык, Лебединовка айылына жакын жерде 26-апрелдин түнүндө болгон кырсыкта «Субару-Легаси» жана “Ауди” үлгүсүндөгү унаалар кагылышып кеткен. Кырсыктан “Субару-Легаси» толугу менен өрттөнүп, ичиндеги эки адам каза болду. Ал эми кырсыкка кабылган экинчи унаадагы эки адам ооруканага жеткирилди.(BkA)
