Линктер

ЧУКУЛ КАБАР!
23-Октябрь, 2021 ишемби, Бишкек убактысы 20:15

Сариев Бишкек жолдорунун оңдолбой жатышын сындады


Жал кичи районундагы Тыналиев көчөсү.

Жаңы шайланган премьер-министр Темир Сариев бүгүн Бишкекти жана Чүйдү кыдырды.

Өкмөттүн басма сөз кызматынан “Азаттыкка” билдиришкендей, Сариев 2017-жылга чейин кытай грантынын эсебинен салынчу ири магистралдык жолдорду бүтүрүүнү пландоодо. Баш калаанын жолдорунун абалы менен таанышкан өкмөт башчы сапатын жакшыртуу, жол куруу менен жыртык-тешиктерди жамоо ишин катар алып баруу талабын койду. Анын белгилешинче, 10-майдан тартып жолдор боюнча ири долбоорлор башталат.

- Эл эки-үч жылдан бери жолдун оңдолушун чыдамсыздык менен күтүүдө. Бул багытта нааразылык айтылууда. Андыктан кыска убакыт ичинде абалды оңдошубуз керек. Шаар баш калаа деген макамга дал келиши зарыл. Өкмөт жана мэрия бул маселени колго алып, көзөмөлдөсүн, - деди ал.

Тиешелүү орган жетекчилери менен бул маселени чогулуп талкуулоо зарылдыгын белгилеген премьер-министр мындан кийин жумасына бир жолу шаарды кыдырып, жолдордун абалына байкоо салып турмай болду. Шаарды Бишкек мэри Кубанычбек Кулматов, анын орун басары Бакыт Дүйшөмбиев, тиешелүү орган өкүлдөрү чогуу кыдырды. (КЕ)

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG