Кубатов: Майданда ыр да, ый да болгон

Экинчи дүйнөлүк согушка катышкандардын баары арак ичкенди үйрөнүп келген деген түшүнүк бар. Бирок аскерлердин арасында өзүнө бөлүнгөн аракты ичпегендер, тамекини тартпагандар да болгон экен. Алардын бири Ош облусунун Ноокат районунун тургуну, ардагер Ысак Кубатов. Ысак ата майдандагы үрөй учурган окуяларды эмес, кадимки турмушту, маселен, унутулгус кездешүүлөрдү, ырдалган ырларды эскерип отурду. 90 жаштагы ардагер бул сырларын өзүнүн небереси, "Азаттыктын" кабарчысы Ыдырыс Исаковго айтып берген.