Улуу Жеңиштин 70 жылдыгына арналган Москвадагы аскердик парадга Улуттук Гвардиянын 75 аскери катышты.
Бул тууралуу өкмөттүн маалымат кызматынан кабарлашты. Гвардиянын аскерлери Жамааттык коопсуздук келишим уюмуна кирген башка өлкөлөр сыяктуу эле Кызыл Аянтта аскердик парадда басып өтүштү. Парадга кыргыз президенти Алмазбек Атамбаев да катышууда. Мындан сырткары кыргызстандык он үч ардагер Москвадагы Жеңиштин 70 жылдыгын белгилөө иш-чараларына катышып жатат.(BkA)
