Бул тууралуу Ички иштер министрлигинин басма сөз кызматы билдирди. 2015-жылдын 12-май күнү Ош шаарында жүргүзүлгөн ыкчам-иликтөө иштеринин жыйынтыгында жарандарды деструктивдүү уюмдардын катарына азгырып жүргөн, экстремисттик иш-аракеттерге катышканы үчүн мурда соттолгон, учурда “Хизб ут-Тахрир” уюмунун активдүү колдоочулары катары саналган 3 жаран колго түшүрүлдү. Алардын жанынан көп сандаган экстремисттик маанайдагы материалдар табылган.
Кармалгандар бир күн бою шаардагы “Имам ал-Бухарий-Алай” аттуу мечиттин жанында болуп, жарандарды өз катарына кошууга аракеттенишкен. (AzK)