Бүгүн Бишкекте гендердик теңчиликке жетүүдөгү Жогорку Кеңештин жана өкмөттүн ролун талдаган эки күндүк эл аралык жыйын башталат. Парламенттин демилгеси менен уюштурулуп жаткан жыйын 15-16-май күндөрү "Ала-Арча" резиденциясында өтөт. Ага башка мамлекеттердеги парламентарийлер жана эксперттер да чакырылган.
Талкуу Пекин шаарында 1995-жылы уюштурулган Аялдардын абалы боюнча төртүнчү дүйнөлүк конференциянын 20 жылдыгына арналат.
Конференциянын максаты - эл аралык милдеттенмелердин алкагында гендердик теңчиликке жетүүдөгү кыргыз бийлигинин ролун арттыруу.
Кыргызстандын “Гендердик теңчиликти камсыздоодо негизги мамлекеттик кепилдиктер жөнүндө” мыйзамында мамлекеттик органдарды түзүүдө аялдарга квота берүү зарылдыгы жазылган. (SE)
