Аксыда кыргыз-өзбек чек арасын мыйзамсыз кесип өткөнү үчүн Өзбекстандын эки жараны сурак берүүдө. Аларды Ала-Бука районундагы Өзбекстан менен чектеш “Кербен” чек ара бөлүгүнүн кызматкерлери менен Аксы райондук милициясынын өкүлдөрү 15-май күнү кармаган.
Колго түшкөн учурда алардын жанында эч кандай документ болгон эмес. Алар Кыргызстандагы туугандарынан кабар алганы келишкенин айтышкан. Бул тууралуу Мамлекеттик чек ара кызматы кабарлады. (SE)
