Сузак районундагы Көгарт дарыясында суунун деңгээли көтөрүлүп, Жалал-Абад шаарына жана бир канча айылдарга коркунуч келтирүүдө. Бул тууралуу бүгүн Өзгөчө кырдаалдар министрлигинин маалымат катчысы Абдишарип Бекилов билдирди.
Министр Кубатбек Боронов бүгүн Жалал-Абад облусундагы нөшөр жааган жаандын кесепетинен жабыркаган аймактарды жеринен кыдырып жүрөт. Анын иш сапары Көгарт дарыясынын жээгин бекемдөө боюнча аткарылып жаткан иштер менен таанышуудан башталды.
Андан кийин ал Ноокен, Базар-Коргон, Ала-Бука райондорун кыдырууда.
Нөшөр жаан жана тоодогу кардын эришине байланыштуу сел жүрүү коркунучу 25-майга чейин сакталарын ӨКМ эскерткен. (RK)
