Нарында кыз-келиндердин зомбулукка кабылышын алдын алуу максатында студенттерден турган кыймыл түзүлдү. Нарын мамлекеттик университетинде окуган кыздардан куралган "Аруузат" кыймылы тууралуу анын жетекчиси, университеттин окутуучусу Бактыгүл Жусуева “Азаттыкка” билдирди.
- Биздин башкалардан айырмабыз - айымдар зомбулукка кабылгандан кийин жардам көрсөтпөстөн, алардын арасында алдын алуу иштерин жүргүзөбүз. Биздин максат коомдо болуп жаткан терс көрүнүштөрдү жоюу, - дейт Жусуева.
Аталган кыймыл учурда мектеп жана окуу жайларга тажрыйбалуу айымдарды алып барып, окутууларды өткөрүп жатышат. Уюмдун мүчөлөрүн басымдуу бөлүгү ыктыярчы студенттер. (MiK)
