Бул тууралуу “Азаттыкка” Орусиянын Кыргызстандагы элчиси Андрей Крутько билдирди. Анын айтымында, олуттуу мыйзам бузбагандарды “кара тизмеден” чыгаруу боюнча Орусия бийлиги Федералдык миграция кызматына тапшырма берген. Буга чейин эки миң киши чыгарылган.
Бүгүн президент Алмазбек Атамбаев Кыргызстандын Евразия экономикалык биримдигине кирүүсү боюнча келишимдердин топтомуна кол койду. Кол коюу салтанатына өкмөт башчы Темир Сариев жана биримдикке кирген өлкөлөр, Казакстан, Орусия, Армения, Беларустун элчилери катышты. Крутько Орусия бул келишимдерге июндун аягына чейин кол койорун белгиледи. (КЕ/BkA)
