30-майда Бишкекте куурчак театрларынын биринчи эл аралык “Тактеке” фестивалы ачылат. Ага Орусия, Казакстан, Тажикстан жана башка өлкөлөрдөн куурчак театрлар келип катышат. Муса Жангазиев атындагы куурчак театрынын директору, фестивалдын уюштуруучусу Сатылган Сазаевдин “Азаттыкка” билдиргени боюнча, мындай фестиваль Бишкекте 40 жылдан бери боло элек болчу.
Эл аралык фестивал балдарды коргоонун эл аралык күнүнө арналууда. 30-майдан 1-июнга чейин болуучу фестивалда кичинекей көрүүчүлөр ар кайсы өлкөлөрдөн келген куурчак театрларынын спектаклдерин көрө алышат. (ZKo)
