Улуттук статистика комитети бир жыл мурдагыга салыштырмалуу айлык акы 8,4 пайызга өскөнүн жарыялаганы менен эл аралык изилдөөчүлөрдүн эсебинде Кыргызстан маяна аз төлөнгөн өлкөлөрдүн катарында кала берүүдө.
Расмий маалымат боюнча, ушул тапта кыргызстандыктардын орточо айлыгы чакан ишканаларды кошпогондо 12071 сомду же 198 АКШ долларын түзөт.
Адистердин байкоосунда экономикалык тармакта, курулушта жана административдик мекемелерде иштегендердин айлыгы башкаларга салыштырмалуу көбөйгөн. (SE)
