Тоолуу автожолдор аркылуу 15 жол тандабас менен жүрүшкө чыккандар Кыргызстанга келишти.
Аларды чек арадагы “Акжол” өткөрүү бекетинен Транспорт министрлиги жана Чек ара кызматынын өкүлдөрү тосуп алышты.
“Эртең, 4-июнда катышуучулардын конференциясы өтөт. Андан кийин Жалал-Абад, Ош жана Баткенде болуп, андан ары Тажикстанга өтүшөт. Максаты эл аралык автожолдордун абалын иликтөө, аларды өнүктүрүү жана ал жолдордо каттамдарды көбөйтүү”,- деди Кыргызстандын Транспорт жана байланыш министрлигинин Жол чарба департаментинин башчысы Жумаш Соодонбаев.
Эл аралык автожүрүш 2014-жылы Польша-Беларус чек арасынан башталган. Өткөн жылдан бери Орусияда өргүү алып, жүрүштү 1-июндан кайра улантышкан. (МТо)
