Ысык-Көлдүн Чолпон-Ата шаарында КМШ өлкөлөрүнүн коргоо министрлеринин кеңеши жыйынтыкталды. 3-июнь күнү өз ара кызматташуу боюнча 16 документке кол коюлду. Бүгүн Дүйшөмбү шаарында аны майнаптуу ишке ашыруу маселеси каралат.
Кол коюлган документтердин негизин эл аралык аскердик машыгуу, күжүрмөн даярдык, биргелешкен окууларды өткөрүү сыяктуу макулдашуулар түзөрүн Кыргызстандын Коргоо министрлигинен “Азаттыкка” билдиришти.
Жыйынга Беларус, Орусия, Тажикстан, Армения, Азербайжан, Казакстан жана Кыргызстандын коргоо министрлери катышууда. (SE)
