Линктер

ЧУКУЛ КАБАР!
18-Октябрь, 2021 дүйшөмбү, Бишкек убактысы 18:07

Жалал-Абаддын тургуну милиция кармап кеткен соң каза болду


Жалал-Абад облусуна караштуу Көк-Жаңгак шаарынын 36 жаштагы тургуну Каныбек Уметовду 5-июнда кечки саат жети жарымдарда милиция кармап кеткен. Андан эки сааттан кийин ата-энесине суук кабар айтылып, баласы каза болгону тууралуу маалымат беришкен. Бул тууралуу “Азаттыкка” “Кылым шамы” укук коргоо уюмунун жетекчиси Азиза Абдирасулова билдирди. Каныбектин атасы Дыйканбай Уметов уулунун эки каруусунда, чыканагынын үстүндө көгала издер болгонун айткан.

- Көк-Жаңгак шаарынын тургуну Жалал-Абадга тиш догдурга келип, кандайдыр бир себептер менен милицияга кармалыптыр. Көп убакыт өтпөй каза болгон. Кечки жети жарымда кармалган экен. Тогуз жарымда ата-энесине кабар берилиптир. Атасы менен сүйлөшкөнүмдө ал эки каруусунда, чыканагынын үстүндө көгала бар экен, сүйрөгөн окшойт деп билдирди.

Соттук медициналык экспертиза өткөрүлдү. Облустук Ички иштер башкармалыгынын маалыматына караганда, Уметов мас абалында административдик укук бузганы үчүн кармалган. Ошол учурда өзүн өзү асып алганы кабарланууда. Учурда бул окуяга милициянын тиешеси бар-жогу териштирилүүдө.

Укук коргоочулар жабык жайлардагы кыйноо азайбай келатканын белгилеп келишет. (КЕ)

Пикирлерди көрүңүз (13)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG