Линктер

ЧУКУЛ КАБАР!
26-Октябрь, 2021 шейшемби, Бишкек убактысы 18:00

Казакстанда кулчулукта жүргөн кыргызстандык тогуз жаран бошотулду


Бул туурасында “Азаттыкка” Тышкы иштер министрлигинин басма сөз кызматы билдирди. Маалыматка ылайык, Алматы шаарындагы Кыргызстандын башкы консулдугунун кызматкерлери Алматы облусунун Илий районундагы Акчи аймагында айдоо талаасында документи жок жүргөн кыргызстандык тогуз жаранды таап алышты.

Казакстандын укук коргоо кызматкерлеринин жардамы аркылуу бул жарандар Чүй облусунан Чу дарыясы аркылуу мыйзамсыз Казакстандын аймагына алынып келинип, талаада коркутуп-үркүтүү менен акысыз жумушка салынгандыгы аныкталган. Жарандар жер төлөлөрдө өтө оор шартта жашаган. Консулдуктун кызматкерлери келгиче талаада 17 кыргызстандык жаран иштеп жатканы белгилүү болду. Бирок ал жерди иштеткен кожоюн айрым жумушчуларды камыштын арасына, арыктарга катып коюуга жетишкен.

Ушул тапта бул факт боюнча кылмыш иши козголуп, иликтөө иштери жүрүүдө. Кулчулуктан бошотулган жарандар Алматы шаарындагы реабилитациялык борборго убактылуу жайгаштырылып, аларга психологиялык, укуктук жардамдар көрсөтүлүүдө. (AzK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG