Улуттук коопсуздук боюнча мамлекеттик комитеттин Коррупцияга каршы кызматынын маалыматына караганда, Балыкчы шаардык сотунун судьясы 23 миң сом пара алып жаткан жеринен кармалды. Ал ишти оңунан чечип берем деген убада менен жергиликтүү тургундан 35 миң сом талап кылганы айтылууда. Кылмышка шектүү судьяны тинтигенде дагы 46 миң сом жана 200 доллар табылган. Окуя боюнча тергөө башталды. (RK)
