Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 23:47

ФИФА Кыргызстандын футбол федерациясына чара колдонушу мүмкүн


2018 - жылдагы дүйнө чемпиондугуна тандоо оюндарында күйөрман оюн талаасына чыгып кеткендиги үчүн Эл аралык футбол федерациясы (ФИФА) Кыргызстандын футбол федерациясына чара колдонушу мүмкүн.

Кыргызстандын футбол федерациясынын башкы катчысы Дастан Конокбаевдин айтымында, айыптын түрү азырынча белгисиз. Эң азы акчалай айып болушу ыктымал.

“Миң доллар же 10 миң доллар болору оюндун комиссарынын жана башкы калыстын берген отчетуна жараша ФИФА чечим кабыл алгандан кийин белгилүү болот. Андан сырткары күйөрмандарсыз же бейтарап талаада ойнотуп жазалашы мүмкүн”, - дейт Дастан Конокбаев.

Эске салсак, 16-июнь күнү Бишкектеги Дөлөн Өмүрзаков стадионунда болгон Кыргызстан менен Австралия курамаларынын беттешинде Кыргызстандын эсебине таандык жалгыз гол киргенден кийин оюн таласына көрүүчүлөрдүн бири чуркап чыккан. Анын артынан футбол федерациясынын өкүлдөрү жана коопсуздук кызматкерлери кууп жетип оюн талаасынан сыртка алып чыгып кетишкен. Бул күнү беттеш 1:2 эсебинде австралиялыктардын пайдасына аяктаган. (ECh/TSh)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG