Президент Алмазбек Атамбаев Кыр-Жол айылындагы жер көчкүдөн жабыр тарткандар үчүн сегиз турак үйдү курууга 11 400 000 сом бөлдү. Бул тууралуу буйрукка мамлекет башчы 23-июнда кол койду. Буйрукка ылайык, Президенттик социалдык коргоо жана колдоо фондунан 11 400 000 (он бир миллион төрт жүз миң) сом бөлүндү деп маалымдайт президенттин басма сөз кызматы.
Сузактын Кыр-Жол айылында 24-майга караган түнү көчкү жүрүп, кыр боорундагы беш үйдү жана айылдык эмкананы басып калган. Натыйжада алты адам каза таап, айылдын беш тургуну ооруканага кайрылган.(ZKo)
