Кыргызстандын коргоо министри Абибилла Кудайбердиев бүгүн Казакстан борбору Астана шаарында расмий сапарда жүрөт. Министрликтин маалымат кызматынан кабарлашкандай, аскердик, аскердик-техникалык кызматташтык, аскер кадрларын даярдоо маселелери талкууланат.
Сапардын негизги максаттарынын бири - кыргыз тарапка бекер аскердик-техникалык жардам көрсөтүү.
Кыргыз Коргоо министрлигинин башчысынын Астанага сапары казак кесиптеши Имангали Тасмагамбетовдун чакыруусу боюнча ишке ашырылууда. (RK)
