Өкмөт башчы Темир Сариев Бишкекте Абдылас Малдыбаев атындагы Улуттук академиялык опера жана балет театрынын имаратын оңдоп-түзөө үчүн долбоор даярдоону тапшырды. Анын негизинде өкмөт каржы бөлөрүн убада кылды. Ишемби күнү премьер-министр аталган маданий жайдын жайкы чыгармачыл сезонунун жабылыш аземине катышып, имараттын абалы менен да таанышкан.
Быйыл март айында аталган театрдын сахнасында 20 чакты киши катышкан отуруш болгону, алар арак-шарап ичип жатканы тууралуу сүрөттөр тарап кеткен. Мындан улам театрдын ошол кездеги жетекчиси Тимур Саламатов кызматтан алынган эле.
Коомчулук бул окуяны кескин айыптап, сахнада ичкилик ичилип, отуруш уюштурулганын сындаган. (SE)
