Ал-Кувейт шаарындагы шиит мечитине кол салууну уюштурган адамдын тек-жайы аныкталды. Өлкөнүн Ички иштер министрлигинин маалыматына ылайык, жанкечти Сауд Арабиянын Фахд Сулейман Абдулмухсин ал-Кабаа аттуу жараны болгон. Ал кол салуу болгон күнү эртең менен учуп келген.
Мурдараак полиция жардыруу жасаган адамды мечитке алып келген айдоочуну кармаган болчу.
26-июнда жума намазы окулуп жаткан учурда мечитте жанкечти өзүн жардырып, 27 адамдын өмүрүн кыйган, 220 киши жарадар болгон. Чабуул үчүн жоопкерчиликти "Ислам мамлекети" радикал тобу өзүнө алган. (SE)
