Ак үй алдына чыккан 50-60тай киши базар тегерегинде соода орундарынан куулуп жатканын билдирип, соодага уруксат берүү талабы менен чыгышты. Соодагерлердин айтымында, базардын ичиндеги орундар кымбат болгондуктан алар базардын тегерек-четинде көчөдө соода кылууга аргасыз.
Нааразылар менен жолугууга Ленин райондук акими келип, базардын тегерегин ирээтке келтирүү зарылдыгын айтып, сүйлөшүүгө аракет кылды. Бирок тараптар бири-бирин түшүнө албай жатышат.
Чогулгандардын бири өзүнө өзү кол салууга аракет кылып, аны милиция кызматкерлери алып кетишти. (AzK)
