Ош шаарын заманбап деңгээлде өнүктүрүүгө арналган эки күндүк урбан-форум бүгүн башталат. Анда калаанын башкы планы, азыркы көйгөйлөрдү чечүү жолдору тургундардын катышуусунда талкууланат. Күн тартибин белгилөө үчүн эл арасында сурамжылоолор жүргүзүлүп, негизги деп эсептелген маселелер аныкталган.
Иш-чарага АКШдан жана Орусиядан эксперттердин келери кабарланган. Алар буга чейин Алматы шаарын өнүктүрүү долбоорунда иштеген адистер экендигин уюштуруучулар “Азаттыкка” билдиришти.
Урбан-форумду бир катар бейөкмөт уюмдар калаа мэриясы менен бирге өткөрүүдө. (SE)