Кыргызстанда баңгичилик илдетине чалдыккан бейтаптарды дарылоо боюнча “Сен ааламга керексиң!” аттуу биринчи кайрымдуулук акция өтүүдө. Дүйнөлүк лига тарабынан өтүп жаткан акция дүйнөнүн жүздөн ашык өлкөсүндө уюштурулган. Кыргызстанда акциянын биринчи катышуучусу Айбек Карагулов болмокчу. Каарманыбыз маңзатын 25 жылдан бери колдонуп келет. Бул аралыкта ал: үй-бүлөсүн, үйүн, туруктуу жумушун жана башка көп нерсесин жоготту. Учурда ал дарыланып жатат жана бул чыныгы жашоого аралашуу үчүн акыркы үмүтү экенин айтууда.