Жалал-Абаддын Аксы районунда күйдүргү оорусун жуктурду деп шектелген сегиз адам ооруканада жатканын Өзгөчө кырдаалдар министрлигинен кабарлашты. Алар райондук оорукананын жугуштуу дарттар бөлүмүндө атайын шартта дарыланууда. Бардыгы Ак-Суу айыл аймагындагы конуштардын тургундары.
Алдын ала маалыматтарга ылайык, оору Жаңы-Талап жана Ак-Сай айылында союлган малдын этинен жуккан болушу ыктымал. Шектүү аймактарда ветеринардык жана фитосанитардык кызматтын адистери тийиштүү иш-чараларды жүргүзүп жатат. (SE)