Шаардын борбордук аянтына боз үйлөр тигилип, 9-июлдун кечинде кымыз майрамы уюштурулду. Анын алкагында облустун түрдүү район-шаарларынан алынып келинген кымыздын түрлөрү жармаңкеге коюлду. Ошондой эле улуттук тамак-аштардын көргөзмөсү да өттү. Анын максаты - облустагы көп улуттуу элдин өкүлдөрүнө улуттук даамдарды даңазалоо болуп эсептелет.
Майрамдын жүрүшүндө кымыз ичүүчүлөрдүн сынагы өтүп, концерт тартууланды.
Иш-чара бейшембиде Жалал-Абадда башталган I эл аралык бизнес форумдун алкагында өкмөттүн облустагы ыйгарым укуктуу өкүлчүлүгү тарабынан уюштурулду. Жалал-Абадда алгачкы “Кымыз майрамы” 2013-жылы өткөрүлгөн. (RsK)