Экономика министрлигинде бүгүн Кыргызстан менен Польша ортосундагы мамилени жандантууга арналган бизнес-форумдун төртүнчү жыйыны өтөт. Бул тууралуу мекеменин басма сөз кызматынан кабарлашты.
Польша менен Кыргызстан ортосундагы кызматташуу өткөн жылдан тарта жандана баштаган. Аталган өлкөдөн 40 миллион евро насыя алуу боюнча экс-премьер-министр Жоомарт Оторбаев Варшавага иш сапар менен барган учурда макулдашып келген. Каражат негизинен айыл чарба тармагын өнүктүрүүгө жумшалмакчы. (SE)
