Орусиянын Омск шаарындагы аскерий окуу жайдын казармасынын бир бөлүгү кулап, эки киши жан берди. Күч органдары урандылардын астында кырк чамалуу адам калганын, алардын жарымы куткарылганын билдирди. Жергиликтүү булактар тараткан маалыматка ылайык, кырсык учурунда имаратта үч жүздөн ашуун киши болгон.
Имараттын кулап калышынын себептери так эмес. Иликтөө иштери уланып жатат. (SE)
