“Реформа жана анын жыйынтыгы үчүн” биримдиги милиция реформасына эки жыл анализ жүргүзгөн. Биримдиктин мүчөсү Урмат Казакбаевдин “Азаттыкка” билдиришинче, сурамжылоого катышкандардын 83 пайызга жакыны ИИМде реформа болуш керек экенин айтышкан. Ал эми 55 пайызы милицияга ишенбей турганын билдиришкен. Ушундай эле сурамжылоо 2012-жылы да жүргүзүлүп, анда тартип коргоочуларга ишеним артпагандар 68% түзгөн.
Кыргызстанда Ички иштер министрлигин реформалоо аракети дээрлик беш жылдан бери көрүлүүдө. Бирок адистер бул жаатта эч кандай жыйынтык чыкпай жатканын сындап келишет. (КЕ)
