Негизинен шиит милициясы колдогон чабуулдун максаты чөлкөмдү “Ислам мамлекети” радикал тобунун согушчандарынан кайтарып алуу, деп билдирди 13-июлда Бирдиктүү операцияны жетектөө борборунун өкүлү Яхья Расул.
Ал операциянын чоо-жайын айткан жок. Офицерлер оболу Багдаддан 50 км батыштагы Фэллужа шаары бошотулат дешет. Жихадчылар Анбар провинциясынын борбору Рамадини эки ай мурда ээлешкен.
Май айында да Ирак өкмөтү Анбарды алуу боюнча операция баштаганын жарыя кылган. Андан бери уруш майданында чоң өзгөрүү боло элек.
