Тажик президентинин маалымат кызматы бүгүн билдиргенге караганда, мамлекеттик бардык тараптар мындан ары расмий маалымат, пресс-релиздерин улуттук "Ховар" маалымат агенттигине гана берип, башка маалымат каражаттары кабарларды аталган агенттикке таянуу менен жарыялаш керек.
Өлкөдөгү көз карандысыз маалымат каражаттарынын бирлигинин башчысы Нуриддин Каршибоев муну Конституцияга каршы кадам катары баалады.
Бийлик өкүлдөрү болсо бул кадам башка маалымат каражаттарынын ишин чектөө үчүн эмес, мамлекеттик агенттиктин ишин оңдоо үчүн жасалып жатканын айтууда.
