Грузиянын коргоо министри Тинатин Хидашели Орусия менен болгон “дипломатиялык согушта” өлкөсү ийгиликтерге жетишип жатканын белгилеп, акыркы максат аймактык бүтүндүктү калыбына келтирүү жана Евробиримдик менен интеграциялануу экенин билдирди. Ал бул тууралуу “Азаттыкка” 22-июлда курган маегинде айтты:
- Биз жүргүзүп жаткан дипломатиялык согуш Грузия үчүн абдан ийгиликтүү болууда деп айтар элем. Анткени Орусия мурдагы санаалаштарын четинен жоготуп аткан кезде, Грузия эл аралык чөйрөдө улам жаңы досторго ээ болуп жатат.
Коргоо министри "европалык интеграцияга карай кадам таштап келаткан Грузияны эч кандай чагымчылар токтото албайт" деп бекемдеди.
